الاحساس

• 
  
  
  

انا عايزة اسال سؤال هو احنا عندنا بجد احساس بكل حاجة بنعملها؟

i dont think so

يعنى لو كدبنا على حد حتى ولو كدبة صغيرة بنزعل ونندم ولا عادى حاجة طبيعية

يعنى مثلا لو اخرنا الصلاة لاى سبب تافة او مهم بنندم ونفكر لو ربنا هيغضب علينا ولا بنقول عادى كويس ان انا بصلى فى ناس مش بتركعها بجد خلينا نفكر شوية صغيرة احنا عندنا احساس باللى بنعمله ولا لا

طيب لو عندنا الاحساس بافعالنا عندنا احساس بالناس اللى عيشين معانا يعنى بنهتم ببعض حتى لو منعرفش بعض

يعنى لمة بتلاقى اى حد محتاج للمساعدة بتحاول تساعده ولا بتنفض وتقول انا مالى

لو احنا من جوانا عندنا ايمان قوى ان لو عملنا اى حاجة كويسة ربنا شايفنا وسعيد باللى احنا بنعمله وهيدينا مقابل الحاجة الكويسة دى حاجات احسن واكتر كنا ساعدنا بعض وعملنا خير من غير منفكر

ولكن احنا كلنا الدنيا شغلانا بنفكر مثلا هنجيب فلوس كتير ازاى هنشترى عربية احدث موديل هنسيب الشغل دة عشان شغل احسن

هو طبيعى ان احنا نفكر فى الحاجات دى ولكن هل احنا بنخصص جزء بسيط من تفكرنا ونقول احنا عملنا حاجة مثلا مش كويسة النهاردة يا ترى زعلنا حد كدبنا على حد نافقنا حد عملنا حاجة تزعل ربنا منا

مش عرفة احنا بنعمل كدة ممكن

مش ممكن اكيد فى ناس بتعمل كدة بس طبعا مش كلنا اكيد النسبة قليلة جدا

ياااااااااااا لو كلنا نفكر كدة

انا برجو كل واحد يقرا الكلام دة يفكر كل يوم فى الحاجات اللى عملها ولو فيها حاجة مش كويسة يحاول انه يصححها

ويفكر قبل ما يعمل اى حاجة غلط ان ربنا شايفنا

وشكرا

ويا رب كلامى يعجبكم

الوحدة

السلام عليكم

كل واحد منا يعيش داخل اسرته مع اخوتة ووالدته ووالده

ولكن هل بالفعل نعيش معا نتشارك مشاكل بعضا البعض

هل يحكى الولد لابية مشاكله ومشاعرة مثلا تجاة بنت يحبها

او العكس هل تحكى البنت لامها مشاكلها ومشاعرها مثلا تجاة

زميلها فى الجامعة او فى العمل ولكن فى الواقع لو ذهب الابن لوالده

وقال له انى احب او اعجب بفتاة زميلتى فى الجامعة ماذا سيقول اهتم بدروسك

وبلاش قلة ادب ولعب عيال دة اذا اتجراء الولد وراح قال لوالدة اصلا

ولكن البنت لو راحت قالت لامها اعجبت او بحب ولد زميلى دى تبقى كارسة

طبعا ازاى ومش ازاى وبالتالى البت او الولد هيكبر دماغة مش هيقول اى حاجة

وبالتالى لو كان قال طبعا وكان الرد المفروض انة طبيعى من الام يا ترى هو انسان محترم او لا لازم اشوفة اتكلم معاة اعرف ظروف اشوف مناسب ليكى ولا لا

ومن الاب كذلك ولكن بما ان العكس بيحصل يدخل البنت او الولد التجربة ويقول

اجرب ويا عالم مع الولد اوكى ممكن البنت لو طلعت مش كويسة اهى صدمة وهيفوق منها! ولكن مع البنت دى المشكلة لو طلع انسان مش كويس ممكن تخسر كتير

والبنات مش زى الاولاد لمة يخدو صدمة عاطفية

ولكن يوجد بالطبع دور الاصدقاء لو الانسان معه صديق وفى يعتمد علية

يلعب دور كبير الى حد ما فى حياته يوجهه دائما الى الصواب والعكس صحيح لو كان صديق غير وفى ولذلك دور الام والاب لا يمكن ان يحل محله اى انسان اخر

واسؤال هل نشعر بالوحدة فى منازلنا او اننا لا نشعر بها

ومع ذلك يوجد الكثير من الاباء والامهات المتفهيمين

وشعور الوحدة شعور رهيب لا يجب ان يستسلم له اى انسان

بل يجب ان يبحث عن احد يفهمة ويشعر معه بالامان ليقهر هذا الشعور

ولكن يجب على الانسان ان يحترس من مصادقة اى انسان جديد علية

لان اصدقاء السؤ اصبحو كثيرين

وشكرا على الاستماع لى ويا رب يعجبكم الموضوع